BTEC Lefel 1 mewn Chwaraeon (Caerdydd)

Mae’r cwrs Hyfforddeiaeth Lefel 1 yn caniatáu i bobl ifanc 16-19 oed gyfuno eu hastudiaethau gyda sesiynau ymarferol. Mae’r cwrs yn ddilyniant naturiol i fyfyrwyr sy’n cwblhau’r cwrs Ymgysylltu â Hyfforddeiaethau.

Mae’r cwrs yn canolbwyntio’n glir ar waith, gan roi sylw i’r wybodaeth a’r sgiliau ymarferol sydd eu hangen i weithio yn y sector chwaraeon a hamdden.

Mae’r unedau’n cynnwys sut mae’r corff yn gweithio, cynllunio rhaglen ffitrwydd, helpu i hyfforddi, a chyfleoedd am swyddi ym maes chwaraeon. Fel elusen swyddogol Clwb Pêl-droed Dinas Caerdydd, rydyn ni’n gallu cynnig cyfleoedd profiad gwaith gwych a lleoliadau gwaith sy’n gysylltiedig â’r sector, o fewn Sefydliad Clwb Pêl-droed Dinas Caerdydd ac adrannau helaeth Clwb Pêl-droed Dinas Caerdydd.

Y dull astudio nodweddiadol ar gyfer y cwrs hwn yw 5 diwrnod yr wythnos, sy’n cynnwys 50% o sesiynau ystafell ddosbarth a 50% o sesiynau ymarferol. Wrth gymryd rhan yn y cwrs, bydd myfyrwyr yn cael £50 yr wythnos yn ogystal ag unrhyw gostau teithio.

Hyd: 24 wythnos (Cofrestru gydol y flwyddyn)

Dull astudio: Amser llawn

Gofynion Mynediad: Sgôr asesiad cychwynnol Mynediad 3 neu uwch

Cymhwyster: Sgiliau Hanfodol – Sgiliau Hanfodol mewn Cyfathrebu – Cymhwyso Rhif Cymorth Cyntaf – BTEC Lefel 1 mewn Chwaraeon

Cwestiynau Cyffredin ynghylch Hyfforddeiaeth Lefel Un